Plantun de Prouvènço

Pèr coumpara dos planto d'encò nostre

Chaetonychia cymosa & Riccia glauca

Chaetonychia cymosa

Caryophyllaceae Illecebraceae

Nom en français : Paronyque en cyme.

Descripcioun :
La parounico-en-cimello, dóu gènre Chaetonychia, trachis dins li sablo e en ribo de riéusset. Es uno pichoto planto pas trop eisado de vèire e que porto de cimello de flour proun groupado. Li fueio, coume li sepalo de flour soun acabado pèr uno arèsto. La planto èi marcado sus la listo roujo, categourìo NT, quàsi menaçado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chaetonychia
Famiho : Caryophyllaceae
Famiho classico : Illecebraceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 3 à 4 mm
Flourido : Printèms

Sòu : Si
Autour basso e auto : 0 à 600 m
Aparado : Noun
Abriéu à jun

Liò : Sablo - Riéusset
Estànci : Termoumediterran à Subremediterran
Couroulougi : Eurimediterrano-Ouèst
Ref. sc. : Chaetonychia cymosa (L.) Lam., 1779 (= Paronychia cymosa (L.) DC., 1804 )

Ricìo-verdalo

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...